newx1

ከፌደራል ከተማና መሰረተ ልማት ሚኒስቴር ከመጡ የድጋፍና ክትትል ቡድን ጋር ምክክር ተደረገ::

by Uncategorized

ከፌደራል ከተማና መሰረተ ልማት ሚኒስቴር ከመጡ የድጋፍና ክትትል ቡድን ጋር ምክክር ተደረገ::

በሲዳማ ክልል ተግባራዊ እየተደረገ የሚገኘው  የRCFSP ፕሮግራም አተገባበር ዙሪያ በክልሉ በፕሮግራሙ የታቀፉ የባለድርሻ አካላት በሙሉ በተገኙበት ከድጋፍ እና ክትትል ቡድን ጋር  ውይይት ተደርጓል ::

የድጋፍ እና ክትትል ቡድኑ በ2017 በጀት ዓመት የተከናወኑ ተግባራትን መነሻ በማድረግ የነበሩ ስኬቶች እና ያጋጠሙ ችግሮች ተለይቶ እንዲሁም የ2018 በጀት በሚሰሩ ፕሮጀክቶች አንፃር ትኩረት በማድረግ ሠነድ በድጋፍ እና ክትትል ቡድኑ ቀርቧል::

በመድረኩ የቢሮ ኃላፊ ክቡር ጎሳዬ ጎዳና መድረኩን ባስጀመሩበት ወቅት ፕሮግራሙ በክልላችን በ7 የተመረጡ ወረዳዎች ተግባራዊ እየሆነ ያለ በመሆኑ ሁሉም የባለድርሻ አካላት በተቀናጀ መልኩ በማከናወን ዉጤታማ እንዲሆን መስራት ይገባል ብለዋል ::

ከፌደራል የከተማና መሰረተ ልማት ሚኒስቴር የፕሮግራሙ አስተባባሪዎች በክልሉ ያለው የ2017 በጀት ዓመት የተሻለ ዉጤት የመጣበት ክልል በመሆን ሁለተኛ ወጥቶ እዉቅና ያገኘ ክልል እንደመሆኑ በ 2018 በጀት ዓመት የተያዙ ፕሮጀክቶችን በሙሉ ጥራታቸውን ጠብቀው እንዲገነቡ ለማድረግ በጊዜ መንቀሳቀስ አስፈላጊ መሆኑን ገልጸዋል::

በዓለም ባንክ ድጋፍ የሚደረግ ፕሮግራም እንደመሆኑ ሁሉም ባለድርሻ አካላት በቅንጅት መስራት የሚጠበቅ መሆኑ ተገልፆ አማካሪዎች እና ኮንትራክተሮች  አቅማቸውን ሙሉ እንዲጠቀሙ ከማድረግ አንፃር ጠንካራ ቁጥጥር ከማድረግ ረገድ የሚታዩ ችግሮች በዚህ በጀት ዓመት ልታረሙ እንደሚገባ ተገልጿል::

በመድረኩ የተገኙት የባለድርሻ አካላት ይሄ ፕሮግራም በክልሉ የታቀፉ ወረዳዎች የመንገድ ግንባታና ጥገና እንዲሁም የድልድይ ግንባታዎች ማህበረሰብን ተጠቃሚ እንዲያደርጉ አስፈላጊ ድጋፍ  እንደሚያደርጉ ተናግረዋል::

የቢሮ ኃላፊ መድረኩን ሲያጠቃልሉ ከዓለም ባንክ ድጋፍ የሚደረግ ፕሮግራም በመሆኑ የፌደራል የከተማ ልማት እና ኮንስትራክሽን ሚኒስቴር በቅርበት ድጋፍ እና ክትትል እንዲያደርጉ እና በክልል ደረጃ የተደራጀዉ የስትሪንግ እና የቴክኒክ ኮሚቴ በየጊዜው እየተገመገመ እንደሚመራ ተናግረዋል::

በመጨረሻም ባለፈው ዓመት ተግባራዊ ሲደረጉ የነበሩ ጠንካራ ጎኖች ተጠናክሮ እንዲቀጥሉ በቢሮ በኩል ጠንካራ ክትትል እና ድጋፍ በማድረግ የሚመጣውን በጀት እና ድጋፍ ለታለመለት አላማ ለማዋል በ ቁርጠኝነት መስራት እንደሚገባ የቢሮ ኃላፊ ገልጸዋል::

በድጋፋዊ ክትትልና  ምክክር መድረክ ላይ የቢሮ አመራሮች ፣ የፌደራል ከተማና መሰረተ ልማት ሚኒስቴር የድጋፍ ቡድን ፣ የግዥ ኤጀንሲ ዳይሬክተር ፣ የአከባቢ እና አየር ንብረት ለዉጥ ባለስልጣን ኃላፊ ፣ የክልሉ የፀረ ሙስና ኮሚሽን ምክትል ኮሚሽነር ፣እንዲሁም የሪካፕ ፕሮግራም አስተባባሪ ተገኝተዉ ተሳታፊ ሆነዋል::

ህዳር 02/2018 ዓ.ም 

ሐዋሳ, ሲዳማ

የመንግስት ኮሙኒኬሽን ጉዳዮች ዳይሬክቶሬት

newz 234

ከሙስናና ብልሹ አሠራር የፀዳና የዘመነ የአመራርና ባለሙያዎች ትጋት ለተቋም ግንባታ ቁልፍ እንደሆነ ተገለፀ::

by Uncategorized

ከሙስናና ብልሹ አሠራር የፀዳና የዘመነ የአመራርና ባለሙያዎች ትጋት ለተቋም ግንባታ ቁልፍ እንደሆነ ተገለፀ::

ለሴክተሩ ተቋማት አመራርና ባለሙያዎች  የአቅም ግንባታ ግንዛቤ ማስጨበጫ መድረክ አካሄደዋል።

 ቢሮ ሀላፊው ሲናገሩ :- የቢሯችን አመራርና ባለሙያዎች ከብልሹ አሠራርና የሠራተኞችን አዋጅ ደንብና መመሪያን በአግባቡ ከመተግበር አንፃር ምን እንደምንመስል ራሳችንን ለመመልከት ይረዳን ዘንድ ይህ የግንዛቤ ማስጨበጫ መድረክ ተዘጋጅቷል።

አክለውም አቶ ጎሳዬ ይህ መድረክ ሁላችንም ብልሹ አሠራርን እንድንጠየፍና የሠራተኞች አዳዲስ የወጡ አዋጆች: ደንቦችና መመሪያዎች ያለንን ግንዛቤ በማሳድግና ግልፀኝነት በመፍጠር ድርሻው የጎላ እንደሚሆን እምነቴ ነው ብለዋል።

በተጨማሪም በተቋሙ ሊከሠቱ የሚችሉ ብልሹና ተገቢ ያልሆኑ አሠራሮችን ቴክኖሎጂን በመጠቀም ለማቀጨጭ አስፈላጊው ጥረት ሁሉ ይደረጋል ሲሉ አስገንዝበዋል ።

በመድረኩ ከፐብሊክ ሰርቪስ ቢሮ በአዳዲስ አዋጆች ላይ እንዲሁም ሙስናና ብልሹ አሠራርን አስመልከቶ ደግሞ ከፀረ- ሙስና ኮሚሽን በተጋበዙ አሠልጣኞች የሥልጠና ሠነድ ቀርቦ ውይይት ተደርጎበታል።

ከተሣታፊዎችም ጥያቄዎችና አስተያየቶች ተነስተው ከመድረክ ምላሽ ተሠጥባቸዋል።

 

በመጨረሻም ከመድረኩ በቀጣይ ለሚኖሩን ተግባራት በአመራሩና  ባለሙያዎች መካከል ጠንካራ ቲም እስፕሪት በመፍጠርና ግልፀኝነት በማጎልበት በዕቅድ በመመራት ውጤታማ ሥራ ለመሥራት  ከስምምነት በመድረስ መድረኩ ተጠናቋል ።

ጠንካራ የአመራር ሥርዓትና የባለሙያዎች ትጋት የተቋምን ገፅታ ይቀይራል!!

ጥቅምት 2018 ዓ.ም

ሀዋሳ

new new 129

ለተቋማት የአሠራር ሥርዓትን በመዘርጋት የተሻለ ለውጥ ማስመዝገብ ይገባል።

by Uncategorized

ለተቋማት የአሠራር ሥርዓትን በመዘርጋት የተሻለ ለውጥ ማስመዝገብ ይገባል።

የመንገድ ልማትና ትራንስፖርት ቢሮ ሀላፊ አቶ ጎሳዬ ጎዳና ከሴክተሩ አመራርና ባለሙያዎች ትውውቅ ጋር አድርገዋል።

በትውውቅ መድረኩ  የቢሮ ሀላፊው  በመልዕክታቸው:- በቀጣይ የሚኖረን የስራ ዘመን ለተቋሙ የአሠራር ሥርዓትን በመዘርጋት ተግባራትን ቀልጣፋ እናደርጋለን፣ ቀደም ሲል የተከናወኑ በጎ ተግባራትን በማጎልበት ባሉት ጉድለቶች ላይ ከፍተኛ ትኩረት በመስጠት ርብርብ ይደረጋል፣ የምንሠራው ሥራ ብዙሀንን ማከለ መሆን አለበት ብለዋል።

አክለውም የተቋሙ ሠራተኞች ምቹ ውጤታማ ማድረግና ሠላማዊ የሆነ የሥራ ግንኙነት መፍጠር ይገባል። እንዲሁም ለባለሙያው የሥራ ላይ የአቅም ግንባታ ሥልጠናዎእንዲሰጡና ከቴክኖሎጂው ጋር እንዲዘምን አስፈላጊው ጥረት ሁሉ ይደረጋል በማለት አመላክተዋል።

ከዞንና ወረዳዎች ጋር የሚኖረው ዲፕላማሲያዊ ግንኙነትና ትስስር የበለጠ እንደሚጠናከር ተገልጷል።

በመድረኩም የእንኳን ደህና መጣህ የኬክ ቆረሳ መርሀ – ግብር ተከናውኗል ።

በልማት ልቅድ ዳይሬክተር አማካኝነት የ2017ዓ.ም በጀት ዓመት አፈፃፀምና የ2018 ዓ.ም እቅድዋና ዋና አቅጣጫዎች ሠነድ በመድረኩ ቀርቦ ዉይይት ተደርጓል ።

ከተሣታፊዎች ያለፋትን ጉድለቶች የሚያርሙና በቀጣይ ጠንክሮ ከሀላፊው ጋር አብሮ ለመስራት የሚያችሉ አስተያየቶች ተሠጥተዋል።

በፕሮጀክቶች አፈፃፀም እና ፍጥነት እንዲሁም በአገልግሎት አሰጣጥ ዙሪያ ጠንካራ ቅንጅዊ አሰራርን በመዘርጋት በክልሉ በመንገድ እና ድልድይ ግንባታዎች በኩል የሚታዩ ችግሮች ትኩረት ተሰጥተው እንደሚሰራ ገልፆል::

በመጨረሻው ሀላፊው መድረኩን ሲያጠቃልሉ:- የተነሱትን ሀሳቦች በመገንዘብ በቀጣይ የሚኖረን የሥራ ዘመን መልካም የሥራ ግንኙነት ፈጥረን የተቋሙን ገፅታ በመቀየር አገልግሎነት አሠጣጡን ለማሳደግ የሚቻለኝን ሁሉ አደርጋለሁ ብለዋል።

መልካም የስኬት ፍሬ የምናፈራበት የብልፅግንና ዘመን እንሆንልን እመኛለሁ በማለት መድረኩ ተጠናቋል።

መስከረም 28 / 2018 ዓ.ም

 ሀዋሳ

የዘገበው የመንግስት ኮሙኒኬሽን ዳይሬክቶሬት ነው!

newhn

በመናኸሪያዎች እየተተገበረ ያለው የኢ- ቲኬቲንግ (E-ticket) አገልግሎት የህግ ማዕቀፍ እየተዘጋጀለት እንደሆነ ተገለፀ።

by Uncategorized

በመናኸሪያዎች እየተተገበረ ያለው የኢ- ቲኬቲንግ (E-ticket) አገልግሎት የህግ ማዕቀፍ እየተዘጋጀለት እንደሆነ ተገለፀ።

በሲዳማ ክልል በሚገኙ መናኸሪያዎች እየተሰጠ ያለው የኢ- ቲኬቲንግ አገልግሎት ቀደም ሲል ምንም አይነት ህግ፣ ደንብና መመሪያ ያልተዘጋጀለት  እንደሆነ የገለፁት የቢሮ  ሀላፊው አቶ ጎሳዬ ጎዳና ናቸው።

የቢሮ ሀላፊው እንዳሉት የትራንስፖርት አገልግሎቱን በማቀላጠፍ፣ ተሣፋሪውን ከህገ ወጥ ክፍያ በማዳንና ከወንበር በላይ ባለ መጫን ከፍተኛ አስተዋጽኦ እያበረከተ ያለው የኢ- ቲኬቲንግ አገልግሎት እስካሁን የህግ ማዕቀፍ ሳይበጅለት መቆየቱን በቁጭት ተናግረዋል።

ስለሆነም አሁን እየተዘጋጀ ያለው ህግ፣ ደንብና መመሪያ በአገልግሎት አሰጣጡ ላይ የሚታዩትን ተግዳራቶችንና የመናኸሪያዎችን መሠረተ- ልማት በማበልፀግ የሚጫወተው ሚና የጎላ እንደሚሆን በአፅንኦት አስረድተዋል ።

አክለውም ይህ በቴክኖሎጂ የተደገፈ የኢ- ቲኬቴንግ አገልግሎት በለሙት ሶፍትዌሮች የተሻለ አገልግሎት እንዲሰጡ የተሻሻሉ ሶፍትዌሮችም ተወዳዳሪ በመሆን የዕድሉ ተጠቃሚ እንዲሆኑ ያደርጋል።

የዚህ ደንብና መመሪያ ዝግጅት ተደራጅተው የሚቀርቡትን ማህበራት ለማወዳደርና አሸናፊውን በትክክል ለመለየት ያስችላል።

የመናኸሪያዎችን ገፅታና መሠረተ ልማት በማሳደግ  የውስጥ ገቢያቸው እንዲጨምር የሚያስችል መሆኑም ተመላክቷል።

በውይይቱ እየተዘጋጀ ባለው ደንብና መመሪያ ላይ ገንቢ አስተያየታቸውን ያካፈሉት የክልሉ ፍትህ ቢሮ ምክትል ቢሮ ሀላፊ ወ/ሮ አሽሌ ዳንኤል፣ የሀዋሳ ከተማ አስተዳደር የመንገድ ልማትና ትራንስፖርት መምሪያ ሀላፊ እንዲሁም የቢሮው ማናጅመንት አካላት ናቸው።

ከመድረኩም መመሪያው በአጭር ጊዜ ውስጥ ተጠናቆ በሀዋሳ ከተማ በዞኖችና ወረዳ ከተማዎች በሚገኙ መናኸሪያዎች  ተግባራዊ እንደሚደረግ ተጠቁሟል ።

መስከረም 27/2018 ዓ.ም

ሀዋሳ

newz 12345

በሲዳማ ክልል ተግባራዊ እየተደረገ የሚገኘው የRCFSP ፕሮግራም አፈፃፀም ግምገማ ተደረገ::

by Uncategorized

በሲዳማ ክልል ተግባራዊ እየተደረገ የሚገኘው የRCFSP ፕሮግራም አፈፃፀም ግምገማ ተደረገ::

በRCFSP ፕሮግራም ለታቀፉ ወረዳዎች በፕሮግራሙ ላይ የግንዛቤ ማስጨበጫ, በ2017 አፈፃፀም እና የ2018 ዓ.ም እቅድ ላይ የምክክር መድረክ ከወረዳ አመራርና  ፎካሎች ጋር ስብሰባ (Review meeting) ተደርጓል::

ከእቅድ ዝግጅት ግምገማ በፕሮጀክቱ በታቀፉት ወረዳዎች  እየተሰሩ ያሉትን ፕሮጀክቶች በጥራትና በተያዘላቸው የጊዜ ገደብ ዉስጥ  እንዲጠናቀቁ ለማድረግ  ከፕሮጀክት አማካሪዎች እና ኮንትራክተሮች ጋርም ምክክር መደረጉ ተገልጿል::

በመድረኩ ማጠቃለያ ላይ የቢሮ ኃላፊ እንደገለፁት በወረዳዎች ተገባራዊ እየተደረጉ የሚገኙ የመንገድ እና ድልድይ ስራዎችን በቅርበት በወጣው እስታንዳርድ መነሻ ክትትል በማድረግ ሚናቸዉን እንዲወጡ ተናግረዋል::

በሌላም በኩል ሁሉንም ፕሮጀክቶች ግንባታ እና ጥገናን በተመለከተ ከአማካሪዎች ጋር በመሆን ቁጥጥር በማድረግ የተያዘው በጀት ለተባለለት አላማ እንዲዉ ጠንካራ ቅንጅት መፍጠር እንደሚገባ የቢሮ ኃላፊ ጨምሮ ገልጿል::

በመድረኩም የቢሮ ኃላፊ ክቡር ታምሩ ታፌ የፕሮጀክቱ ሠራተኞች እና የሰባቱም ወረዳ አመራሮች ; አማካሪዎች እንዲሁም የወረዳ ፎካል ባለሙያዎች ተገኝተው ተሳተፉ ሆነዋል::

መስከረም 10/2018 ዓ.ም

ሐዋሳ, ሲዳማ

11111

የመንገድ ትራፊክ አደጋ ለመቀነስ ከባለ ድርሻ አካላት ጋር ምክክር ተደረገ::

by Uncategorized

የመንገድ ትራፊክ አደጋ ለመቀነስ ከባለ ድርሻ አካላት ጋር ምክክር ተደረገ::

የመንገድ ልማትና ትራንስፖርት ቢሮ በክልል ደረጃ እየደረሰ ያለዉን የመንገድ ትራፊክ አደጋ ለመቀነስ ከባለ ድርሻ አካላት የምክክር መድረክ ተካሂዷል::

የምክክር እና ስልጠና መድረኩን በንግግር የከፈቱት የቢሮ ምክትል ኃላፊ እና የመንገድ ደህንነና መድን ፈንድ አገልግሎት ዘርፍ ኃላፊ ኮሮነል ሮዳሞ ኪአ እንደተናገሩት በየጊዜው እየጨመረ የመጣውን የመንገድ ትራፊክ አደጋ መንስኤ የሆኑ ጉዳዮችን በመለየት ተቀናጅቶ መስራት እንደሚገባ ተናግሯል::

በሲዳማ ክልል ባለፉት አራት ዓመታት ከ 2014 እስከ 2017 ድረስ ብቻ 474 ዜጎች በሞትእና 313 ዘጎች ከባድ የአካል ጉዳት መድረሱን እና ከ 30 ሚሊዮን በላይ የሚገመት ንብረት መዉደሙን ገልፆዋል::

በሌላም በኩል በ 2017 በጀት ዓመት ብቻ ወደ 180 ዜጎች በመንገድ ትራፊክ አደጋ የሞት አደጋ የደረሰባቸው እንደሆነ አስረድቷል::

በተጨማሪም በክልል ደረጃ 89.9 % አደጋ እየደረሰ ያለዉ ከተፈቀደው ከፍጥነት ወሰን በላይ ማሽከርከሩ መንስኤ መሆኑን ጠቅሰዉ አስከርካሪዎች ለዚህ ሚናቸው ከፍተኝበመሆኑ ጥንቃቄ እንዲያደርጉ አሳስቧል::

የአሽከርካሪዎች ማሰልጠኛ ተቋማት በብቃት በማሰልጠን  ኃላፊነታቸዉን በመዎጣት መንግስት ያወጣዉን ደንብ እና አሰራርን ተግባራዊ በማድረግ እንዲወጡ አሳስቧል::

በክልል ደረጃ ለትራፊክ አደጋ መከሰት መንስኤ ከሆኑት ጉዳዮች ለእግረኛ ቅድሚያ አለመስጠት, አሽከርካሪዎች  ደንብን አለማሽከርከር ለትራፊክ  አደጋ መከሰት ምክንያት መሆኑን ገልፆዋል::

በሌላም በኩል የተሽከራካሪ ብቃት ማረጋገጫ ተቋማት በቃት ሌላቸው ተሽከርካሪዎች የብቃት ማረጋገጫ መስጠት የሚታዩ ችግሮች መሆኑ ተነስቷል::

በምክክሩ መድረክ ተሳታፊ የሆኑ አካላት በትራንስፖርት እንቅስቃሴ ወቅት የሚደርሱ የመንገድ ትራፊክ አደጋን የመከላከል ጉዳይ ለመንግስት አካላት ብቻ የሚተዉ ሳይሆን የማሰልጠኛ ተቋማት, የትራንስፖርት ማህበራት የቴክኒክ ምርመራ እንዲሁም ኢንሹራንሶች አደጋዉን ለመቀነስ ሚናችን ትልቅ በመሆኑ ግዴታቸንን እንወጣለን በማለት ገልፆዋል::

በመጨረሻም የመንገድ ደህንነት እና መድን ፈንድ አገልግሎት ዘርፍ ኃላፊ ኮሮነል ሮዳሞ ኪአ እና የትራንስፖርት ዘርፍ ኃላፊ አቶ ታምሬ ሪቂዋ ከተሳታፊዎች ለተነሱ ጥያቄዎች ምላሽ ሰጥቷል::

በምክክር መድረኩ ላይ የቢሮ ምክትል ኃላፊዎች የክልል ፖሊስ ኮሚሽን, የሐዋሳ ከተማ የመ/ል/ት/መምሪያ ኃላፊዎች የ ትራንስፖርት ማህበራት,የማሰልጠኛ ተቋማት, እንሱራንሶች እንዲሁም የባለድርሻ አካላት በሙሉ ተገኝተዉ ተሳታፊ ሆነዋል::

ነሐሴ, 2017 ዓ.ም ሐዋሳ

newz100012

በደቡባዊ ሲዳማ ዞን የህብረተሰብ ተሳትፎ ሥራ ድጋፍ እና ክትትል ግብረ መልስ ተሰጠ፡፡

by Uncategorized

በደቡባዊ ሲዳማ ዞን የህብረተሰብ ተሳትፎ ሥራ ድጋፍ እና ክትትል ግብረ መልስ ተሰጠ፡፡

በበጀት ዓመቱ በደቡባዊ ሲዳማ ዞን የመንገድ እና ድልድይ ግንባታ መሰረተ ልማትን ለማፋጠን ትኩረት ተሰጥተዉ እየተሰራ የቆየ ሲሆን በመንግስት በጀት ብቻ በየዓመቱ በጀት ተይዞ የማህበረሰቡን የመንገድ ጥያቄዎችን መመለስ አስቸጋር በመሆኑ ህበረተሰቡን በማሳተፍ የመንገድ እና የድልድይ ግንባታ ሥራዎች በሁሉም ወረዳዎች እንዲከናወኑ ተደርጓል፡፡

በዚህም በዓመቱ ለማከናወን ዕቅድ ከተያዙ አዳዲስ የመንገድ ከፈታ እና የጥገና ስራዎች እንዲሁም የድልድይ ግንባታ ከመንግስት በጀት ዉጪ ህበረተሰቡን በማሳተፍ በርካታ ተግባራትን ማከናወን እንደተቻለ ለዞኖች በዓመቱ የተከናወኑ ሥራዎችን መነሻ በማድረግ ግበረ መልስ በተሰጠበት ወቅት ተገልጿል፡፡

በደቡባዊ ሲዳማ ዞን ደረጃ ህበረተሰቡን በማሳተፍ በተሰራው ስራ በሁሉም  ወረዳዎች አደረጃጀቶችን እስከ ቀበሌ ድረስ በመጠቀም በሁሉም ቀበሌያት በልማት ቡድን ንቅናቄ ተደርጎ በተሰራዉ ሥራ ማህበረሰቡ ተጠቃሚ መሆን መቻሉን በተሰጠው ግብረ መልስ በተሰጠበት ወቅት ተገልጿል:: 

በዞን ደረጃ ከቢሮ ጋር በመቀናጀት እስከታችኛዉ መዋቅር ድረስ እቅድ በማዉረድ እንዲተገበር ለማድረግ በተቀመጠዉ እስታንዳርድ መሰረት ከ6-8 ሜትር  ድረስ እንዲሰራ መግባባት ላይ ተደርሶ የከፈታ እና ጥገና ሥራ ማከናወን መቻሉን  ተገልጿል፡፡

የወጣውን የመንገድ እሰታንዳርድ መነሻ ከማከናወን አንጻር በአንዳንድ ወረዳዎች ላይ ጉድለቶች መታየቸውን እና እቅዱን በሁሉም ቀበሌ  ተደራሸ አለማድግ፤ ከእስታንዳርድ በታች የመንገደ ከፈታ ማከናወን እና መንደርን ከመንደር ከማገናኝት ረገድ የሚታዩ ክፍተቶችን ማረም እንደሚገባ እና በቀጣይ በጀት ዓመት ማረም የሚገባቸው እንደሆነ ተብራርቷል፡፡

በግበረ መልሱ መድረክ ላይ የደቡባዊ ሲዳማ ዞን ዋና አስተዳዳር  አቶ መንገሻ ፊታሞ የመንገድ ልማት እና ትራንስፖርት ቢሮ የአስተዳደር እና ፋይናንስ ዘርፍ ኃላፊ አቶ ህብረት ቢያ የመምሪያ ኃላፊዎች እንዲሁም የወረዳ አመራሮች ተገኝተው ተሳታፊ ሆነዋል ፡፡

ስኔ 18/2017 ዓ.ም 

ሀዋሳ፣ሲዳማ

newz11002

በሲዳማ ክልል የመንገድ ልማት እና ትራንስፖርት ቢሮ አጠቃላይ ሰራተኞች እና አመራሮች በጋራ በተገኙበት የፊቼ ጫምባላላ በዓል በደመቀ መልኩ ተከበረ::

by Uncategorized

በሲዳማ ክልል የመንገድ ልማት እና ትራንስፖርት ቢሮ አጠቃላይ ሰራተኞች እና አመራሮች በጋራ በተገኙበት የፊቼ ጫምባላላ በዓል በደመቀ መልኩ ተከበረ::

የሲዳማ ብሄር የዘመን መለወጫ የሆነው ፊቼ ጫምባላላ የሰላም፣ የእርቅና  እና የአንድነት እሴቶች ጎልቶ የሚታይበት፣ የሲዳማ አባቶች ባማረና ባሸበረቀ የባህልና ስርዓት የሚያከናውኑት  እንዲሁም እንደ ሀገር  ብሩህ ተስፋ የሚሰነቅበት የዘመን መለወጫ በዓል መሆኑ በፕሮግራሙ ተገኝተው በጋራ በተከበረበት ወቅት ተናግሯል።

የሲዳማ ብሔር የዘመን መለወጫ ፍቼ ጫምባላላ በዓል በUNESCO ከማይዳሰሱ ቅርሶች አንዱ በመሆን ከተመዘገበ ዘንድሮ አስረኛ አመቱን ያስቆጠረ ሲሆን በዉስጡ የያዘውን የባህል እሴቶቹን ይበልጥ ማሳደግ እና መንከባከብ እንደሚገባ የቢሮ ኃላፊው ገልጸዋል ::

በዓሉን ስናከብር በአቅም የደከሙትንና በኢኮኖሚ ደረጃቸው ዝቅተኛ የሆኑ ዜጎችን መርዳት የፍቼ ጫምባላል እሴት በመሆኑ ሁልጊዜ ተግባራዊ ማድረግ እንደሚገባ ተጠቅሷል::

የፍቼ ጫምባላላ በዓል የባህል መገለጫ የሆኑት ጉዳዮች በተቋም ዉስጥ ጎልቶ መታየት የሚገባቸው አንድነት፣ ፍቅርና የሰላም  እሴቶች ይበልጥ በሴክተር ዉስጥ በቀጣይም ተጠናክሮ መጎልበት እጅግ አስፈላጊ ስለሆነ መንከባከብ ሁሉም አመራር እና ሰራተኞች እንደሚጠቅባቸው በመልዕክታቸው ወቅት አበራርተዋል።

የመንገዶች ባለስጣን ዋና ዳይሬክተር አቶ ማቲዎስ በየነ በበኩላቸዉ የፍቼ ጫንባላላ በዓል ከጥንት ጀምሮ በአባቶቻችን ዘንድ ከነበረው እዉቀት ተደምሮ ከሲዳማ አልፎ የዓለም ቅርስ ወደ መሆን የደረሰ በዓል በመሆኑ በሴክተር ዉስጥ የሚገኙ ሰራተኞች እና አመራሩ በጋራ እሴቱን እና ባህሉን ይበልጥ እያማረ እንዲቀጥል መስራት ያስፈልጋል ብለዋል::

በመጨረሻም በዓሉን በማስመልከት በመንግስት ኮሙኒኬሽን ጉዳዮች ዳይረክቶሬት በኩል የተዘጋጁ የጥያቄ እና መልስ እንዲሁም የምግብ ማጉረስና ሌሎች አዝናኝ ፕሮግራሞች ከሀልቾ የኪነት ቡድን ጋር በመሆን በደማቅ ሁኔታ ፕሮግራሙ ተከናውኗል::

መጋቢት 19/2017 ዓ.ም

ሐዋሳ፣ ሲዳማ