በቢሮ ኃላፊ በአቶ ጎሳዬ ጎዳና የተመራው ቡድን በምስራቃዊ ሲዳማ ዞን ፕሮጀክቶችን እየሰሩ ካሉት ኮንትራክተሮች እና አማካሪዎች ጋር የዞን አመራሮች ባሉበት ምክክር ተደርጓል::
በምክክር መድረኩ በዞን ደረጃ እየተሰሩ የሚገኘው የግንባታ እና ጥገና መንገዶች እንዲሁም የድልድይና እስትራክቸር ስራዎች አፈፃፀምን መነሻ በማድረግ ተገምግሟል::
ኮንትራክተሮቹ ከነዳጅ አቅርቦት ጋር ተያይዞ የሚታዩ ችግሮች ከተቀረፈላቸው ፕሮጀክቶቹን በተባለው ጊዜ ዉስጥ ለማጠናቀቅ እንደሚሰሩ ገልጸዋል::
የፕሮጀክቶች አፈፃፀም በጥራት አጠናቆ ከማስረከብ አንፃር የሚታዩ ችግሮች ; የኮንትራክተሮች የአፈፃፀም ፍጥነት ጊዜን ታሳቢ በማድረግ ከመስራት ረገድ የሚታዩ ችግሮች በቀጣይ ልታረሙ የሚገቡ እንደሆኑ ተገምግሟል::
የምስራቃዊ ሲዳማ ዞን ዋና አስተዳዳሪ አቶ ግዛቸው ኖኦራ በመድረኩ ተገኝተው እንደተናገሩት :- በዞን ደረጃ በቢሮ በኩል መንግስት ከፍተኛ በጀት በመመደብ እንዲሰራ እያደረገ በመሆኑ ከአቅርቦት ጋር የሚታዩ ችግሮችን ለመንገድ እና ድልድይ መሰረተ ልማት ቅድሚያ እንዲሰጥ ለማድረግ ርብርብ እንደሚያደርጉ ገልጸዋል::
በቢሮ በኩል የተጀመረው የድጋፍና ክትትል ስራዎች ተጠናክሮ እንዲቀጥሉ በማድረግ ፕሮጀቶች በጥራት እንዲሰሩ ማድረግ የሚገባዉ እንደሆነ የቢሮ ኃላፊ አቶ ጎሳዬ ጎዳና ተናግረዋል ::
ኮንትራክተሮች ዉል በገቡት መነሻ በማጠናቀቅ ለአከባቢ ማህበረሰብ አገልግሎት እንዲሰጡ ከማድረግ አንፃር ትኩረት መስጠት እንዳለባቸው የቢሮ ኃላፊ ጨምሮ ተናግረዋል::
በመጨረሻም በመድረኩ ማጠቃለያ ላይ የቢሮ ኃላፊ በዞኑ የተያዙ እና እየተሰሩ ያሉትን ፕሮጀክቶችን በተቀናጀ መልኩ በማከናወን ጥራታቸውን ጠብቀው እንዲገነቡ በማድረግ ሕብረተሰብን ተጠቃሚ ማድረግ እንደሚያስፈልግ ተናግረዋል::
በመጨረሻም በቢሮ በኩል ጠንካራ የክትትል እና ግምገማ ስርዓት የተዘረጋ በመሆኑ በፕሮጀክት ሳይት ደረጃ የሚታዩ ችግሮች እየተፈቱ እንዲሄዱ ሁሉም ርብርብ እንዲያደርጉ አቅጣጫ ተቀምጧል:
በግምገማ መድረኩ የቢሮ ኃላፊ አቶ ጎሳዬ ጎዳና ; የዞኑ አስተዳዳሪ አቶ ግዛቸው ኖኦራ ; የተጠሪ ተቋም አመራርና ባለሙያዎች; የምስራቃዊ ሲዳማ ዞን የመምሪያ አመራሮች እንዲሁም ኮንትራክተሮችና አማካሪዎች ተገኝተዋል::
=======================
የካቲት, 19/2018 ዓ.ም
በንሳ, ዳዬ
የቅርብ ጊዜ ልጥፎች
የመንገድ ልማትና ትራንስፖርት ቢሮ ከክልሉ ፖሊስ ጠቅላይ መምሪያ ጋር በመቀናጀት እያካሄደ የቆየው የመንገድ ደህንነት ቁጥጥር ሥራ ግብረመልስ ተገመገመ
ትላንት በሐዋሳ ከተማ የተጀመረው የመንገድ ደኅንነትን ለማረጋገጥና የሕግ የበላይነትን ለማስከበር የተሰማራው የቁጥጥር ግብረ-ኃይል ሥራ ዛሬ በሰሜናዊ ሲዳማ ዞን ቀጥሏል
የመንገድ ልማትና ትራንስፖርት ቢሮ ኃላፊ ኢንጅነር ተመስገን ተረፈ ከሴክተሩ አጠቃላይ ሰራተኞች ጋር ትውውቅ በማድረግ በቀጣይ ስራዎች አቅጣጫ ዙሪያ ምክክር አደረጉ::
በሲዳማ ክልል የመንገድ ልማትና ትራንስፖርት ቢሮ ለከተማ ታክሲ ትራንስፖርት ጊዜያዊ የስምሪት አገልግሎት ለመስጠት የተዘጋጀው መመሪያ ተግባራዊ መደረጉ ተገለፀ ::
በቢሮ ኃላፊ በአቶ ጎሳዬ ጎዳና የተመራው ቡድን በምስራቃዊ ሲዳማ ዞን ፕሮጀክቶችን እየሰሩ ካሉት ኮንትራክተሮች እና አማካሪዎች ጋር የዞን አመራሮች ባሉበት ምክክር ተደርጓል::