Sidaamu Dagoomu Qoqqowi Mootimma Doogote Latishshinna Hodhishshu Biiro Olluu tuqishshi Doogote Latishshi Handaari ragaanni loosu muraanonna amaalaanote hatono maamarate ledo hasaawatenna woyaawino loosu gumulishsha leelishinorrira afansha aate Qixxabbinno battala Techo barra Sidaamu Budu Harira hasaawa asinanni hee'noonni.
Doorantinno Quchummaranna Woraddara Doogote tiraafike dano gargarate hedo cu'mishiishshate porogiraame sayiiki barri porogiraame Alata Cuukkotenna Yirbu Quchumira harinsi.
Sidaamu Dagoomu Qoqqowi Mootimma Doogote Latishshinna Hodhishshu biiro Qoqqowu Poolisete Komishiinne ledo halamatenni tiraafikete dano miteenni gargadhino yaanno massagote qaalinni doogote tiraafikete dano garagarate hedo cu'mishiishshate techono kaaje sufino.
Hedo cu'mishiishshate porogiraame techo barra 17/04/2015 M. D ka'ima Hawaasi Quchuminni asatenni Borrichu woradi qooxeesira, Yirbu Quchumira hatono Alata Cuukkote Woradi Gashootinna Alata Cuukkote Quchumu gashootira Qinaawotenni huwanyo kalanqoonni.
Cuukkote Quchuminna Worradu qooxeesira asinoonni kaajadu loosinni soorro dagani nooha ikkironno lamu goomi motore jilbu aleenni hogowate ledo leeltano ikkitubba qinaawatenninna dagate hedo cu'mishiishshatenni taashshsanna seeru aliidimma agarsiissa lede kaaja hasiissanota ikkasi buuxate dandiinoonni.
Huwanyo kalaqate porogiraameno aantetenno layinki doyiichora Gatino woraddaranna quchummara sufanoha ikkasi xawinsoonni.
Sidaamu Dagoomu Doqqowi Mootimma Hookkote Woradi Gashooti Buluta Buusi techo barra isilaabbete loosi wo'munni wo'ma danchu garinni goofinnota Sidaamu Qoqqowi Doogote Biiloonyi xawisi .
Konni albaanni kunni buusi gooffa hoogasinni Qooxxeesaho noohu bunu laalchi Wayi kaameela fultanota ho'llanna manu wolqanni dunke fushinnanniha ikkanna
buusu xa iilinowa iilasi dagate gido lowo hagiire kalaqinota buuxate dandiinoonni.
Xaano gatino loosi muli barri giddo jeefinse Daga owaante afidhano gede asinnannita xawinsoonni.
