newz45

Sidaamu Dagoomu Qoqqowi Mootimma Doogote Latishshinna Hodhishshu Biiro Sooreessi kalaa Tamiru Taffehunna manaajimeentete miilla doogote ijaari loosi iillino deerra keeno assitu.

by Uncategorized

Sidaamu Dagoomu Qoqqowi Mootimma Doogote Latishshinna Hodhishshu Biiro Sooreessi kalaa Tamiru Taffehunna manaajimeentete miilla doogote ijaari loosi iillino deerra keeno assitu.

Towaanyo assinoonnihu Aliyye Sidaami zoone "wojigira Borja" yinanni pirojekte malganna wondo Gennetete worada xaadisate 5.56 k.m seendille afidhinota ikkitanna loonsanna iillitino deerra towanyo assine la'a dandiinoonni.

Tini pirojekte lame woradda xaadissannota ikkasenni qooxeessu dagaranna minju xaadooshshira addinta jawa qeecha afidhino doogo ikkasenni hajo la'anonsa zoonetenna woraddate gashshooti kaajado harunsonna irko assatenni amandoonni yanna gido gumulantano gede harunsa hasiissaanota xawinsoonni.

Jeefoteno tenne pirojekte loosi harancho yannara Arfaasa 30/2016 M.D geeshsha gumulamate kaajjite loossanni noota Istar Maamari loosu qineessaanchi xawisino.

Arfaasa 03/2016 M.D

Hawaasa, Sidaama

newz22

Sidaamu Dagoomu Qoqqowi Mootimma Doogote latishshinna Hodhishshu biiro 2016 bajeettete diri lewu agani loosu mixo gumulo keeno assini.

by Uncategorized

Sidaamu Dagoomu Qoqqowi Mootimma Doogote latishshinna Hodhishshu biiro 2016 bajeettete diri lewu agani loosu mixo gumulo keeno assini.

Hasaawu battalarano Biirote sooreessi Ayyiradu kalaa Taamiru Taffehu, Biirote manaajimentete miillanna xaphooma Biirote loossaasine leelte beeqqo asaino.

Loosu mixo gumulo keeno assinoonnihu xaphooma biirote mootimmate loosaasine ledo ikkanna, keenote leewu agani giddo loosantino loossati handaaru handaarunku mixote gumulo ripoorte shiqqeenna keeno aassinoonni.

Shiqqino ripoorte kaiminni loosantino loossara kaajjillunni mixo gumulino handaari lede kaajje haranno assatenni, laanfe leeltino handaarranna dayiroktoreete Xa leeltinonsa laanfe taashshidhe aantete keeno geeshsha bilchaatino garinni gumultanno gede gattino loossa keenne faasho woratenni keenote battala jeeffino.

 Sadaasa 26/2016 M.D.

Hawaasa, Sidaama

newz2

Sidaamu Dagoomu Qoqqowi Mootimma Doogote Latishshinna Hodhishshu Biiro manaajimeentete miilla doogote ijaari loosi iillino deerra keeno assitu.

by Uncategorized

Sidaamu Dagoomu Qoqqowi Mootimma Doogote Latishshinna Hodhishshu Biiro manaajimeentete miilla doogote ijaari loosi iillino deerra keeno assitu.

Towaanyo assinoonnihu Aliyye Sidaami zoone "wojigira Borja" yinanni pirojekte malganna wondo Genetete worada xaadisate 5.56 k.m seendilli afidhinota ikkitanna loonsanna iillitino deerra towanyo assine la'a dandiinoonni.

Tini pirojekte lame woradda xaadissannota ikkasenni qooxeessu dagaranna minju xaadooshshira addinta jawa qeecha afidhino doogo ikkase towanyotenni buuxa dandiinoonni.

Jeefoteno tenne pirojekte loosi harancho yannara Arfaasa 30/2016 M.D geeshsha gumulamate kaajjite loossanni noota Estar maamari loosu qineessaanchi xawisino.

Sadaasa 18/2016 M.D. 

Hawaasa, Sidaama

newss4444

Sidaamu Dagoomu Qoqqowi Mootimma Doogote Latishshinna Hodhishshu Biiro Soojaati Sidaami Zoone Lakkote Quchumi Gashshootira anga ajjino maatera mine ijaarsate safote looso hananfi.

by Uncategorized

Sidaamu Dagoomu Qoqqowi Mootimma Doogote Latishshinna Hodhishshu Biiro Soojaati Sidaami Zoone Lakkote Quchumi Gashshootira anga ajjino maatera mine ijaarsate safote looso hananfi.

Porogiraameteno Qoqqowu Doogote Latishshinna Hodhishshu Biiro massagaanonna Biirote loosaasine Aliyye Sidaami Zoone Gashshooti massagaano hatono Lakkote Quchumi massagaano leeltinowa anga ajjino maatera mine ijaarsate safote looso harinsoonni.

Konni loosira Qoqqowu doogote latishshinna hodhishshu biiro massagaanonna loosaasine uminsa kakkaonni womaashsha fushshatenni mine ijaarste looso hananfoonnita biirote hodhishshu handaari sooreessinna biirote sooreesu riqiwaanchi kalaa pheexiroos Maarufihu xawisino.

Aanteteno Lakkote Quchumi kaameelu hoowe giddo haanju harumi kaashsho kayisate looso assinoonniha ikkanna, konne looso hananfe calla agurranniha ikkikkinni aantanno yannara kaajjine loonsanni looso ikkinota biirote 2kki sooreessinna hadhishshu handaari sooreessi kalaa pheexiroosi maarufihu xawisino.

Aliyye sidaami zoone gashshootu Bo/mini sooreessinna zoonete riqiwamaanchi sokkasi saayisanni"sidaamu afi'nohu noisikkihura beehe qarrammoha kaa'le heerate budi noosi dagaati. Konnira konne looso hanafate tenne loosate assitini massagaanoranna loosaasinera baxxino galatinna hagiirri" noosita xawisino.

Lakkote kantiiwi kalaa Tsegaye sokkasi saayisanni "buxicho kaa'latenni maganu aana waaga afi'neemmo daafira togoo irko kaajjite suffanno yiino.

Ledoteno lakkote quchumira tiraafikete dano gargarate manaaru hoowe giddo hatono lakkote quchumira huwanyo kalaqate looso federaalete poolisete komishiinnenna Qoqqowu poolisete komishiine ledo qinaawatenni loonsoonni.

Hawaasa, Sidaama
Wocawaaro 10, 2016 M.D.

 

slide19

Doogote Tiraafikete Dano Gargarate Hedo Cu'mishiishatenna Qorqorsha Assate Looso Faajjetenni Hananfoonnita Xawinsi.

by Uncategorized

Doogote Tiraafikete Dano Gargarate Hedo Cu'mishiishatenna Qorqorsha Assate Looso Faajjetenni Hananfoonnita Xawinsi.

news84

Sidaamu Dagoomu Qoqqowu Mootimma Doogote Latishshinna Hodhishshu Biiro Qoqqowu Polisete Komishiinenna Federaalete Polisi Komishinene Hattono Federalete Hodhishshunna Loojistikete Ministere Medini Fendete Owaante ledo halamatenni doogote tiraafikete dano gargarate tiraafikete qorqorshanna hedo cu'mishiishate looso Faajjetenni hananfoonni.

Kuni loosi aantanno 25 barrubara sufannoha ikkannota xawinsoonni.

Wocawaaro 4/2016 M.D. Hawaasa, Sidaama

news 55

Sidaamu Dagoomu Qoqqowi Mootimma Doogote Latishshinna Hodhishshu Biiro KLG loosi gumulsha lainohunni Biirote loosaasinera qajeelsha aatenna 2016 baajeettete diri mixote illachubba aana hasaawate qixxaabbino battala harinsi.

by Uncategorized

Sidaamu Dagoomu Qoqqowi Mootimma Doogote Latishshinna Hodhishshu Biiro KLG loosi gumulsha lainohunni Biirote loosaasinera qajeelsha aatenna 2016 baajeettete diri mixote illachubba aana hasaawate qixxaabbino battala harinsi.

Qajeelshunna hasaawu battalara biirote manaajimentete miillanna xaphooma loosaasinne leeltinoha ikkanna qixxabbinoti qajeelshu sanade danchu gashshootinna KLG looso gumullanni hayyo aana sanade Daggitte Owaantenna Mannu Latishshi Biironni daggino albiidi ogeeyye shiqishsheenna hasaawa assinnanni hee'noonni.
 
Aanteteno 2016 baajeetete diri qaru qaru illachubba shiqqeenna hasaambannita xawinsoonni.
…………………………………..
 
Fooqa 3/2015 M.D.
Hawaasa, Sidaama
new123

Sidaamu Dagoomu Qoqqou Mootimma fooqa 1owaantete barra qoqqowu deerrinni baalante kaameelu hoowera ayirrinsi.

by Uncategorized

Sidaamu Dagoomu Qoqqou Mootimma fooqa 1owaantete barra qoqqowu deerrinni baalante kaameelu hoowera ayirrinsi.

Qixxawote barera sidaamu qoqqowi politikunna rihoti alemete handaari sooreessi ayirradu Kalaa Asfi Gooneessihu hattono Hawaasi Quchumi gashshooti aantaanyu kantiiwi Ayirradu Mekuri Maarshayehu hattono Sidaamu Qoqqowi Doogote Latishshinna Hodhishshu biiro manaajimeentete miilla hodhishshu maahiberaate hodhaanonna oofaano leeltinowa fooqa 1 owaantete barra korkaata assatenni Qoqqowu deerinni hawaasi quchumi akalu kaameelu hoowe gido assinoonni porogiraamera taakisete owaante techo 12 saatenni hanafe baatooshshiweelo ikkasenna wo'manti oofaano qorophotenni oofano gedenna tiraafikete danonni iilitanni noota dano mitimmatenni halame gargadha hasiisanota Barru wosinchi Ayiiradu kalaa Asfi Gooneessihu xawisino.
Ledeteno Hawaasi Quchumi Kantiwi Ayyiiradu kalaa Makuri Maarshayehu coyiirannni techo barri owaantete barra ikkasinni owaante uyiineemonsa bissara shooshaqetenni lifixann rakino owaante daga mereersitino garinni uyitano gedenna dganke kasi assitano owaante aa hasiissanota xawise sokka sayisino.
Battalateno oofaano,seera agarsiissano bissa,oofaanote uurinshubbanna hodhaano aantete dagansa kiisate sheemaate e'eenna fooqi 1 ayyrinsanni porogiraame xaphi yitino.
Fooqa 1/2015 M.D
Hawaasa, Sidaama
news 1

Honsu agani loosu jeefishshi keeno assini.

by Uncategorized

Honsu agani loosu jeefishshi keeno assini.

Sidaamu Dagoomu Qoqqowi Mootimma Doogote Latishshinna Hodhishshu Biiro honsu agani loosu jeefishshi keenonna aantete noo loosira faasho worate Qixxaabbino battalara xaphooma biirote loosaasine leeltinowa keeno assinanni hee'noonni.

Keenote battalarano loosu jeefishshinna aantete heedhanno loossa illachubba amadino sanade shiqqeenna biirote massagaanonna wo'mante biirote Ogeeyye ledo titirshunni keenne aantete loosira faasho worreenna keenote battala xaphi yitino.