Ayirradu Kalaa Taamiru Taaffehu Doogote Latishshinna Hodhishshu Biiro sooreessi "mootimmate loosaasine umikki yanna qoqqowu deerrinni sekterrate heewora qeelletenni sa'anke korkaatta assatenni hawalle hagiidhinummo" yitanno sokka saayisino.
Beeddahe Hawaasira iimaanni balka yite xabbu.
Uurrinshanke sokka jeefisatenna woyyino guma borreessiisate gutunna mittimmate sewo hedotenna loosu mittimma ajjino yanna giddo ijaarsatenni mootimmate uurrinsha lekkate kaase ispoortete heewora hananfoommoha labballunna seennunni abbinoommo shaapeene woy qeelle giddo sekterenke kaajjillenna laanfe bande kaajjillu lede haranno assatenni, laanfe noowa kaayinni yanna uynikkinni taashshine bilchaantetenni hanfoommo harinsho qaafo leellishanno guma ikkinota buunxoommota techo hee'noommori naqaashshete.
Ikkinohura, tini qeelle aantete duuchunku handaarinna dayroktereetete hattono ogeeyyenkenna xaphooma tantanonkera uynoommo baaychinni irkisamatenni qinaambenne xambe kalanqe mooranna baincho assote xawoho sharramme dagankera taalleenyunna sumbetenni uynoonninke yannanni owaantete kasseenya buuxisiinsummoro loosonke xawoho keenne hasiisannonke guma uysiisannonkenna baatinonke magani, mootimma, paartetenna daganke albaanni woxunnu hidha dandiinannikki waaginni hendanniha naqaashshete baraa'rsha xawoho dagate mereero adha saino ayirrinyinna kasso may no?
Sekterenkera baayriidiri hattono baxeemmo'nenna ayirriseemmo'ne miillanna maate'ya, konnira gattino yanna anninke kaaliiqi irkonna halesinna eltosi baalunku aleenni mittimmate agarooshshe batiseennanke uynonke keerinna mittimmanni fulanno baxillenna shaqqille uddi'ne hedote mittimmanni amadamme agarennanke woyyino guma borreessiinse roorino afansha kaaysate eeggo yaanni, baayiriidinna muxxe ikkitinoonni godo'laanonna loosaasinenke hattono xaphooma ispoortete maate daafuri'nera qeelle hasiissannohura ki'nenni naaxxinoommona hawalle tashshi yii'ne yeemmo.
Jeefoteno, gumulonke qeellete boowenni dukkisante Hawaasira iimaanni hagiirrinke xawanno gede bobbakkinoonniri baalunku hanafo'ne harinshonna gumulo'ne mittimmatenni gutu qeellera kaajjado ispoortete ayyaani hagiirunna sewotenni hattono baxillunni balka yeenna guggushamino gumanna qeellera fultinanniha ikka'nera halcheemmo.
Dancha yanna!
Badheessa 22/2016 M.D.
Hawaasa, Sidaama
Muli Yanna Odoo
በደቡባዊ ሲዳማ ዞን የህብረተሰብ ተሳትፎ ሥራ ድጋፍ እና ክትትል ግብረ መልስ ተሰጠ፡፡
በሲዳማ ክልል የመንገድ ልማት እና ትራንስፖርት ቢሮ አጠቃላይ ሰራተኞች እና አመራሮች በጋራ በተገኙበት የፊቼ ጫምባላላ በዓል በደመቀ መልኩ ተከበረ::
ርዕሰ መስተዳድር ክቡር አቶ ደስታ ሌዳሞ በሲዳማ ክልል የመንገድ መሰረተ ልማት ሥራዎችን ጎበኙ::
በመዘናጋት ሥርጭቱ እየተዛመተ ያለውን የኤችአይቪ/ኤድስንና በሴቶችና ህፃናት ላይ እየደረሰ ያለውን ፆታዊ ጥቃት በጋራ መከላከል እንደሚገባ ተጠቆመ።
በሲዳማ ክልል የተቀናጀ የመንገድ ትራፊክ ቁጥጥር ተጠናክሮ ቀጥሏል ::