Qinaawinoha Doogote Tiraafikete Qorqorshanna hedo cu'mishiishate looso badheessa 9-25/2016 M.D geeshsha uynannita xawinsi.

Qinaawinoha Doogote Tiraafikete Qorqorshanna hedo cu'mishiishate looso badheessa 9-25/2016 M.D geeshsha uynannita xawinsi.

Doogote Tiraafikete korkaattinni mannunna jajju aana iillitanno tiraafikete dano afamino garinni agishate qinaawote doogote keeraanchimma qorqorsha hedo cu'mishiishate loosi Sidaamu Qoqqowi badheessa 9-25/2016 M.D uyinannita sidaamu qoqqowi doogote latishshinna hodhishshu biiro sooreessi ayirradu Kalaa Taammiru Taffehu Midiyaho gaazeexaawe xawishsha uyno.

Kalaa Taammiru Taffehu xawishshisinni wodhote laise qorqorsha assitanno bissaranna oofaanote hedo cu'mishiishate qineessatenni irkisatenna harunsatenni hattono qorqoratenni higge ayirrisiisate looso xa'mamooshshu noo garinni harisate lamu goommi motore owaante aate kaajjado hedo cu'mishiishatenna qorqorshu looso kaajjishate qoqqowu loosu sooreeyye,hodhishshu qorqoraano, Tiraafikete miilla ledo noo qinaawote loossa kaajjishatenna addinta busha ikkitino doogote tiraafikete dano ajishate ikkinota xawishshisinni huwachishino

Qinaawotenni doogote tiraafikete qorqorshanna hedo cu'mishiishate looso doogote keeraanchimmanna mediini fendete owaante qineessaanchimmanni federaalete polisete komishiine sidaamu qoqqowi doogote latishshinna hodhishshu biiro hattono sidaamu qoqqowi xaphooma plisete biddishshi ledo halamatenni loonsanni looso ikkanno.

Pirogiraamete garinni oofaanotenna rosaanote tiraafikete kiwabba komitera uyinannihu hedo cu'mishiishate qajeelshi Hawaasi Quchumira, Hirgaalemete quchumira hattono Alatta wondi quchumu gashshootira uynanniha ikkasi xawishsha uynini yannara huwachinshoonni.

Qinaawotenni doogote tiraafikete qorqorshanna hedote looso sidaamu qoqqowi Hawaasi quchumi gashshootinni kaayinse soojjaati zoone Bansi quchumi geeshsha doorroonni doogga aana loonsanniha ikkanno.

Badheessa 8/2016 M.D

Hawaasa, Sidaama

Tenne Odoo Iillishshe

Comments are closed.